30-njy noýabrda Jemgyýetçilik guramalary merkezinde geçirilen «Ýaş robototehnikaçy» bäsleşigi Türkmenistanda ýaşlaryň üstünlikli ösýän ylmy we tehniki döredijiliginiň ýene bir subutnamasy boldy.
Magtymguly adyndaky Ýaşlar guramasynyň Merkezi Geňeşiniň robototehnikasy pudagynda zehinli mekdep okuwçylaryna goldaw bermek maksady bilen Türkmenistanyň Bilim ministrligi bilen bilelikde guran bu çäresine ýurdumyzyň orta mekdepleriniň 7–12-nji synplarynda okaýan ýüzden gowrak okuwçy gatnaşdy. Olar iki ugur boýunça işlerini görkezdiler: «Akylly öý» we «Robototehnika».
«Akylly öý» atly taslama-döredijilik ugrunda birinji orun Aşgabat şäheriniň dil derslerini çuňlaşdyrylyp öwredilýän ýöriteleşdirilen 97-nji orta mekdebiň 11-nji synp okuwçysy Resul Annaberdiýewe berildi. Ikinji orny Türkmenistanyň Goranmak ministrliginiň Berdimuhamet Annaýew adyndaky Ýöriteleşdirilen harby mekdebiniň 11-nji synp okuwçysy Döwlet Saparow eýeledi. Aşgabat şäherindäki daşary ýurt dillerine ýöriteleşdirilen 131-nji orta mekdebiň 11-nji synp okuwçysy Serdar Owelekowyň bäsdeşlik işi üçünji orna mynasyp boldy.
«Robototehnika» ugrunda-da Aşgabat şäheriniň dil dersleri çuňlaşdyrylyp öwredilýän ýöriteleşdirilen 97-nji orta mekdebiň 11-nji synp okuwçylary Ysmaýyl Çaryýew we Emirhan Gylyçmuhammedow degişlilikde birinji, ikinji orny eýelemek bilen, öňe saýlandylar. Lebap welayatynyn Halaç etraby 27-nji orta mekdebiniň 11-nji synp okuwçysy Rozmyrat Ýagşymyradow üçünji orna mynasyp boldy.
Bäsleşigiň iki ugrunyňam ýeňijilerine gymmatly bahaly sowgatlar we hormat hatlary bilen sylaglanyldy.
