S.A.Nyýazow adyndaky Türkmen oba hojalyk uniwersiteti ýurdumyzda ilkinji bolup Ýüpek ýolunyň uniwersitetler bileleşiginiň (University Alliance of the Silk Road — UASR) agzalygyna kabul edildi.
Ýüpek ýolunyň uniwersitetler bileleşigi – ol hökümete degişli bolmadyk, täjirçilik däl gurama bolup, onuň işi ýokary bilim babatda halkara hyzmatdaşlygyny ösdürmäge gönükdirilendir hem-da gurama Hytaý Halk Guramasynyň «Bir guşak, bir ýol» daşary syýasat başlangyjynyň çäklerinde 2015-nji ýylda döredildi.
Ýokary okuw mekdepleriň 180-den gowragyny birleşdirýän Ýüpek ýolunyň uniwersitetler bileleşigi bilim babatda hyzmatdaşlyga, talyplary alyşmaga, olaryň bilim tejribeleriniň baýlaşmagyna ýardam bermäge, medeniýetara gatnaşyklaryna, şeýle hem bilelikdäki taslamalaryň we barlaglaryň öňe ilerledilmegine, olaryň hemmetaraplaýyn zehinleriniň ösmegine we Ýüpek ýolunyň taryhy ugurlarynda hem-de häzirki Ýewraziýa sebitinde ýerleşen ýurtlaryň ykdysady taýdan ösüşine gönükdirilendir.
Ählumumy we netijeli bilim meýdançasy hökmünde Ýüpek ýolunyň uniwersitetler bileleşigi sebitleriň açyklygyna hem-de ýurtlaryň we sebitleriň uniwersitetleriniň arasynda giň özara gatnaşyklara ýardam edýär.
Şulardan ugur alnanda türkmen ýokary okuw mekdebiniň Ýüpek ýolunyň uniwersitetler bileleşiginiň gatnaşyjylaryň hataryna goşulmagy halkara aragatnaşyklaryň ýola goýulmagynda we ösdürilmeginde, dostlukly gatnaşyklaryň, agza ýurtlaryň esasy uniwersitetleri bilen ylym-bilim we medeni gatnaşyklaryň berkidilmeginde, şeýle hem daşary ýurtly hyzmatdaşlaryň öňdebaryjy tejribelerini öwrenmekde we ornaşdyrmakda möhüm ähmiýete eýedir.
