Aşgabatda «C» derejesinde tälimçilik ygtyýarnamasyny almak isleýänler üçin okuwyň ikinji tapgyry tamamlandy. 20 tälimçi üçin okuwy Halkara Futbol Federasiýasynyň (FIFA) we Türkmenistanyň Futbol federasiýasynyň mugallymy Röwşen Meredow geçirdi. Oňa Boris Borowik, Begenç Garaýew we Eziz Annamuhammedow dagy kömek etdi.
Okuw maksatnamasyna nazary we amaly sapaklar girdi. Okuw doly tamamlanandan soň, diňleýjiler synagdan geçerler, şondan soň 6 ýaşdan 12 ýaşa çenli çagalara tälim bermek hukugyny berýän «C» derejeli tälimçilik ygtyýarnamasyny alarlar.
