Ýokary liganyň toparlarynyň arasynda geçirilýän futbol boýunça 2025-nji ýyldaky Türkmenistanyň çempionatynyň 13-nji tapgyry Balkanabatda «Nebitçi» bilen «Köpetdag» toparlarynyň arasyndaky duşuşygy bilen başlandy.

Birinji aýlawda bu toparlaryň Aşgabatda geçirilen duşuşygy 0:0 hasabynda deň tamamlanypdy.

Bu gezek duşuşygyň ykbalyny 3-nji minutda meýdança eýelerinden Myrat Amantganowyň geçiren ýeke-täk pökgüsi kesgitledi.

Bu ýeňişden soň 15 utuk toplan «Nebitçi» topary iki oýny az oýnap, özünden yzdaky «Aşgabat» toparyndan 4 utuk öňe geçip, bäşinji orny eýeledi.

11-nji gezek utulan «Köpetdag» topary 5 utuk bilen ýaryşyň sanawynda soňky orunda barýar.

Futbol boýunça Türkmenistanyň çempionatynyň 13-nji tapgyry şu duşuşyklar bilen jemlener: onda «Merw» – «Ahal», «Şagadam» – «Altyn asyr» we «Aşgabat» – «Arkadag» toparlary duşuşarlar.