Türkmenistanly türgenler Bişkekde geçirilýän 10-njy Merkezi Aziýa WKF karate çempionatynyň ikinji gününde ýene 5 medal gazandylar.
Kadetleriň arasynda 52 kilograma çenli agram derejesinde kumitede ýaş olimpiýaçylary taýýarlaýyş mekdebiniň 9-njy synp okuwçysy Bogdan Kiselýow (tälimçisi Aýdyň Çaryýew) iň ýokary baýraga mynasyp boldy.
55 kilograma çenli agram derejesinde 21 ýaşa çenli türgenleriň arasynda kumitede kümüş medaly Türkmenistanyň Howpsuzlyk gullugynyň esgeri Resul Garataýew (tälimçi Nazmammet Satlykgulyýew) eýeledi.
Bürünç medallary Aşgabat şäherindäki 38-nji orta mekdebiň 9-njy synp okuwçysy Nurgeldi Şamedow (52 kilograma çenli kadetleriň arasynda, kumitede, tälimçisi Aýdyň Çaryýew), Aşgabat şäherindäki ýöriteleşdirilen 61-nji orta mekdebiň 9-njy synp okuwçysy Alymuhammet Kakalyýew (57 kilograma çenli kadetleriň arasynda, kumitede, tälimçisi Aýdyň Çaryýew) we Türkmen döwlet binagärlik-gurluşyk institutynyň birinji ýyl talyby Garamämmet Garamämmedow (kumitede, 21 ýaşa çenli türgenleriň arasynda, 60 kilograma çenli tälimçi Nazmammet Satlykgulyýew) eýelediler.
Ýaryşyň birinji gününde türkmen karateçileri jemi 7 – iki altyn, iki kümüş we üç bürünç medal eýelediler.
WKF karate boýunça 10-njy Merkezi Aziýa çempionatyna Gazagystandan, Gyrgyzystandan, Täjigistandan, Türkmenistandan we Özbegistandan 609 türgen gatnaşýar, olar kata (formal maşklary görkezmek) we kumite (çaknyşyklar) ugurlary boýunça kadetleriň, ýetginjekleriň we ulularyň arasynda medallar ugrunda bäsleşýärler.
