Türkmen döwlet binagärlik-gurluşyk institutynyň ýol gurluşygy fakultetiniň geodeziýa kafedrasy tarapyndan Türkmenistanyň ýokary okuw mekdepleriniň talyplarynyň arasynda geçirilen kartografiýa boýunça I internet ders bäsleşiginiň ýeňijileri yglan edildi.

17-nji dekabrda geçirlen ders bäsleşigine ýurdumyzyň 21 ýokary okuw mekdebinden talyplaryň 105-si gatnaşdy. Bäsleşigiň netijeleri şahsy we toparlaýyn hasaplar boýunça jemlenildi. 

Şahsy hasapda bäsleşige gatnaşanlaryň 9-syna baýrakly orunlar berildi. 

I orny Aba Annaýew adyndaky Halkara atçylyk akademiýasynyň talyby Muhammet Amanow we Döwletmämmet Azady adyndaky Türkmen milli dünýä dilleri institutynyň talyp gyzy Aziza Gurbanbaýewa eýelediler.

II orna Türkmen döwlet binagärlik-gurluşyk institutynyň talyby Gulberdi Orazow, Türkmenistanyň Serhet institutynyň talyby Gündogdy Aýmämmedow we Ýagşygeldi Kakaýew adyndaky Halkara nebit we gaz uniwersitetiniň talyby Oguldursun Nejmetdinowa mynasyp boldular.

III orny Saparmyrat Nazarow (Türkmenistanyň Daşary işler ministrliginiň Halkara gatnaşyklary instituty), Ysmaýyl Hojanepesow (Türkmen oba hojalyk instituty), Sähra Bäşimowa (Türkmenistanyň Oguz han adyndaky Inžener-tehnologiýalar uniwersiteti) we Ýaran Gurbanow (S.A.Nyýazow adyndaky Türkmen oba hojalyk uniwersiteti) eýelediler.

Toparlaýyn hasabyň netijeleri aşakdaky ýaly boldy:

I orun – Aba Annaýew adyndaky Halkara atçylyk akademiýasy we Türkmen döwlet binagärlik-gurluşyk instituty; 

II orun – Döwletmämmet Azady adyndaky Türkmen milli dünýä dilleri instituty, Türkmenistanyň Döwlet energetika instituty we Türkmenistanyň Serhet instituty;

III orun – Türkmenistanyň Daşary işler ministrliginiň Halkara gatnaşyklary instituty, Ýagşygeldi Kakaýew adyndaky Halkara nebit we gaz uniwersiteti, Türkmenistanyň Goranmak ministrliginiň Beýik Saparmyrat Türkmenbaşy adyndaky Harby instituty hem-de Seýitnazar Seýdi adyndaky Türkmen döwlet mugallymçylyk instituty.

Türkmen ýokary okuw mekdebi tarapyndan ilkinji gezek geçirilen kartografiýa boýunça olimpiada zehinli, başarnykly, giňden pikirlenip bilýän ýaşlary ýüze çykarmak, talyplaryň ders boýunça taýýarlyk derejesini kesgitlemek, olaryň bilimlerini we ukyplaryny berkitmek hem-de çuňlaşdyrmak, döredijilik we ylmy işjeňligini höweslendirmek, tankydy pikirlenişini, sanly sowatlylygyny, özbaşdak işlemek başarnyklaryny ösdürmek, şeýle hem dostlukly gatnaşyklaryny pugtalandyrmak hem-de talyplaryň arasynda özara peýdaly ylmy maglumatlary alyşmak üçin netijeli meýdança öwrüldi.

Olimpiada «Türkmenistanda sanly bilim ulgamyny ösdürmegiň Konsepsiýasynda» hem-de «Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasynda» kesgitlenilen wezipeleri ýerine ýetirmegiň çäklerinde geçirildi.