Ýakyn dynç alyş günlerinde paýtagtymyzyň ýaşaýjylaryna we myhmanlaryna baý medeni maksatnama garaşýar. Ýurdumyzyň muzeýlerinde Watan goragçylarynyň gününe bagyşlanan mowzuklaýyn sergiler dowam edýär. «Aşgabat» kinoteatrynda bolsa hindi filmleriniň hepdeligi öz işini tamamlaýar.

Türkmenistanyň Döwlet medeniýet merkeziniň Döwlet muzeýinde 27-nji ýanwarda bellenilip geçilýän Watan goragçylarynyň gününe bagyşlanan sergi guraldy. «Watan mertebesi belentdir, goragy mukaddes borçdur» atly diwarlygy bu sergide arhiw fotosuratlary we ýurdumyzyň taryhynyň gahrymançylykly sahypalary barada gürrüň berýän beýleki gymmatlyklar görkezilýär.

24-nji ýanwarda sagat 11:00-da «Aşgabat» kinoteatrynda hindi filmleriniň festiwalynyň çäklerinde «Ingliş-wingliş» atly film görkeziler. 2012-nji ýylda surata düşürilen bu film iňlis dilini pes derejede bilýän öý hojalykçy zenan barada gürrüň berýär. Günleriň birinde Nýu-Ýorka düşen gahryman özüne bolan ynamyny artdyrmak we diňe bir öý hojalykçy däl-de, eýsem, özbaşdak şahsyýetdigini subut etmek üçin iňlis diliniň intensiw okuwlaryna ýazylýar.

Türkmen döwlet gurjak teatry kiçijik tomaşaçylar üçin režissýor Kerim Ataýewiň sahnalaşdyran «Mobil dünýäsi» atly terbiýeçilik ähmiýetli sahna oýnuny taýýarlady. Bu erteki gahrymany Tagan atly oglanjygyň dürli enjamlara aşa gyzygyp, tötänleýin fantastiki «mobil dünýäsine» düşüşi barada söhbet açýar. Üýtgeşik wakalar gahrymana janly gatnaşygyň gadyryny bilmäge we adaty durmuşa dolanmaga kömek eder.

Şeýle-de paýtagtymyzyň teatrlary aşakdaky sahna oýunlara çagyrýarlar:

Türkmenistanyň Beýik Saparmyrat Türkmenbaşy adyndaky Baş akademiki drama teatry:

24.01.2026: «Är we aýal» 19:00;

25.01.2026: «Gülki agşamy» 19:00.

Türkmenistanyň Magtymguly adyndaky milli sazly drama teatry:

24.01.2026: «Öýlenmek» 19:00;

25.01.2026: «Durmuş diňe düýş däl» 19:00.

Türkmenistanyň Alp Arslan adyndaky milli drama teatry:

24.01.2026: «Mähriban dideler» 19:00;

25.01.2026: «Magnitofon» 19:00.

A.S.Puşkin adyndaky döwlet rus drama teatry:

24.01.2026: «Maşa we Aýy» 12:00;

24.01.2026: «Oýlap tapyjy aşyk» 19:00;

25.01.2026: «Zoluşka» 11:00; 13:00;

25.01.2026: «Myhmançylykda» 19:00.

Türkmenistanyň Mollanepes adyndaky talyplar teatry:

24.01.2026: «Arşyn mal alan» 19:00;

25.01.2026: «Sakawyň soňuna seret» 19:00.

Türkmen döwlet gurjak teatry:

24.01.2026: «Çagalyk älemgoşary» 17:00;

24.01.2026: «Jüýteniň toýy» 19:00;

25.01.2026: «Mobil dünýäsi» 12:00; 17:00;

25.01.2026: «Çagaly öý – bazar» 19:00.