Ï «Baku tangosy» – doganlyk halka sowgat
mail-icon
altynasyr.newspaper@sanly.tm
EN RU TK

«Baku tangosy» – doganlyk halka sowgat

view-icon 1269
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
«Baku tangosy» – doganlyk halka sowgat
camera-icon
Ýusup Turşekow

Aşgabadyň Magtymguly adyndaky milli sazly drama teatrynda Azerbaýjan Respublikasynyň Ýeňiş Güni we Döwlet baýdagy güni mynasybetli konsert boldy. Azerbaýjanyň Turkmenistandaky Adatdan daşary we Doly ygtyýarly ilçisi Gismat Gozalow tomaşaçylara ýüzlenip sözlän sözünde, milli baýram bolan Ýeňiş gününiň Azerbaýjanyň özygtyýarlylygyny we milli birligini alamatlandyrýandygyny belledi.

Azerbaýjan we Türkmenistan taryhy, medeniýeti we ruhy gymmatlyklary umumy bolan dostlukly döwletlerdir. Ilçiniň bu sözlerini tassyklaýan ýaly, Röwşen Nepesowyň orkestriniň ýerine ýetirmeginde «Popurri – doganlyk sazlaryň çemeni» ýaňlandy. Bu sazda kompozitorlarymyzyň türkmen diňleýjilerine tanyş bolan heňleri we azerbaýjanyň saz medeniýetiniň özboluşly mukamlary duýulýardy. Ondan soň Üzeyir Gajibekowyň, Gara Garaýewiň, Daňatar Hydyrowyň, Fikret Amirowyň we beýleki kompozitorlaryň eserleri-de ýerine ýetirildi.

Azerbaýjanyň at gazanan artisti Illaha Efendiýewa, Türkmenistanyň halk artisti Atajan Berdiýew we Begenç Moşşyýew dagy tomaşaçylara Polat Bilbil oglunyň «Bänöwşälär», Müslim Magomaýewiň «Gök bakylyk» aýdymlaryny, Hajibekowyň «Arşyn mal alan» operettasyndan Asker bilen Gülçehräniň duetini, Nury Halmämmedowyň «Türkmen sährasyny» we wagtyň synagyndan geçen beýleki söýgüli aýdymlary hödürlediler.

«Uzun dere» azerbaýjan halk tansynyň sazyny Türkmenistanyň görnükli klarnetçisi Nariman Guseýnow ussatlyk bilen ýerine ýetirdi. Orkestriň ýerine ýetirmeginde bolsa Röwşen Nepesowyň aranjirlän «Azerbaýjan maraly» atly halk aýdymynyň sazyny ýerine ýetirdi, bu saz üçin hormatly medeniýet işgärimiz şu ýylyň sentýabr aýynda Nýu-Ýorkda geçen kompozitorlaryň 5-nji festiwalynda baýrak alypdy.

Şeýle hem käbir ýakymly wakalar boldy. Aşgabadyň 3-nji sazçylyk mekdebiniň 8 ýaşly okuwçysy Geldi Gatyýew Tofik Guluýewiň «Walsyny» ýerine ýetirdi. Ýaşlygyna garamazdan, kompozitor we pianinoçy sahnada özüni uly ynam bilen alyp bardy. Munuň sebäbi belli – bu Geldiniň uly sahnada 11-nji çykyşydy. Tomaşaçylar ýaş zehiniň çykyşyny diýseň mähirli garşyladylar.

Soňra «Baku Tangosynyň» ilkinji gezek diňlenmesi boldy. Bu eseri Röwşen Nepesow şu ýylyň sentýabr aýynda Bakuwda geçen türki dilli ýurtlaryň kompozitorlarynyň duşuşygynda ýazypdyr. Baku ilatynyň çalasyn durmuş depgininden, göwnaçyklygyndan we tebigatyň ajaýyp gözelliginden ylham alan Röwşen Nepesow «Baku tangosy» eserini doganlyk halka sowgat hökmünde döredipdir.

Azerbaýjanyň Turkmenistandaky ilçihanasynyň işgärleri we Ýeňiş gününi hem Azerbaýjan Respublikasynyň Döwlet baýdagynyň gününi bellemek üçin, zalda ýygnanan tomaşaçylar «Baku tangosyny» ilkinji bolup diňlemek bagtyna eýe boldular.