Geçen hepdede Türkmenistanyň Döwlet haryt-çig mal biržasynyň söwdalaşyklarynda geleşikleriň 37-si hasaba alyndy.

Daşary ýurt puluna Birleşen Arap Emirliklerinden, Owganystandan we beýleki ýurtlardan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen uçar kerosinini, A-80 awtobenzini, suwuklandyrylan gazy, dizel ýangyjyny, polipropileni, yşyklandyryş we tehniki kerosini satyn aldylar. “Türkmengaz” döwlet konserniniň suwuklandyrylan gazyny Owganystandan gelen işewürler satyn aldylar, Birleşen Arap Emirlikleriniň işewür toparlarynyň wekilleriniň seçip alan önümi Türkmenbaşydaky nebiti gaýtadan işleýän zawodlar toplumynda öndürilen dizel ýangyjy boldy. Mundan başga-da daşary ýurt puluna bugdaý uny, nah ýüplük, pagta süýümi we başga önümler ýerlenildi. Satyn alan ýurtlar: Russiýa, Beýik Britaniýa, Şweýsariýa, Singapur, Türkiýe, Beliz, Owganystandyr. Geleşikleriň umumy bahasy ABŞ-nyň 110 million 436 müň dollaryndan gowrak boldy.

Depozit manat serişdelerine Beýik Britaniýadan, Awstriýadan, BAE-den, Türkiýeden, Hindistandan, Gyrgyzystandan gelen telekeçiler ýük awtoulagyny, süýji-köke önümlerini, düýe ýüňüni, künjara, çadyr matasyny satyn aldylar. Satyn alnan önümleriň umumy bahasy 4,5 million manada golaý boldy.