“Türkmenmaşyngurluşyk” konserniniň “Türkmenkabel” zawodynyň täze sehiniň hünärmenleri bir fazaly elektrik energiýasynyň harçlanyşyny hasaplaýan elektron enjam çykarmaga we olary ýerlemäge ygtyýarnama aldylar.

Elektron enjamlar Türkiýäniň MAKEL kompaniýasynyň enjamlarynda we komplektleýji detallaryndan ýygnalýar, olary «GAP Inşaat» kompaniýasy getirdi. Seh enjamlaryň 20-sinden gowragy—montaž stollary, kinniwanja kebşirleýiş we galaýylaýyş enjmlary, elektrik toguny hasaplaýjylary barlamak üçin diwarçalar bilen enjamlaşdyrylan. Taýýar önümler birnäçe tapgyrda synagdan geçirilýär. Daşky täsiriň: ulgamdaky tok basyşynyň üýtgemeginiň, 40 gradus sowukdan 80 gradusa çenli yssynyň, mehaniki täsiriň, şeýle hem gohlaryň täsiri bilen bolýan ýalňyşlyklar takyk enjamlar arkaly barlanylýar.

Sehiň işgärleri eýýäm hereket edýän ölçeglere laýyk gelýän ygtyýarnama alan bir fazaly elektrik togunyň harçlanşyny hasaplaýjy enjamyň onlarça müňüsini ýerlemäge taýýarladylar. “Türkmenkabel” zawodynda çykarylan bu enjamlar ýaşaýyş jaýlarynda ulanylýan induksiýa görnüşli elektrik togunyň harçlanşyny hasaplaýan mehaniki elektrik enjamlaryna derek goýlar. Olar bilen deňeşdireniňde täzeleriniň artykmaçlygy kändir.

Elektrik energiýasynyň harçlanyşyny hasaplaýan elektron enjam halkara (IES) we döwletara (GOST) ölçeglerine laýyklykda ölçegleriň ýokary takyklygyny üpjün edýär. Hünärmenler önümçilikde ulanylýan üç fazaly elektrik energiýasynyň harçlanyşyny hasaplaýan elektron enjamy ýygnamagyň hasabyna çykarylýan önümiň görnüşini artdyrmagy göz öňünde tutýarlar.