Ï Taryhy-medeni mirasyň we ýörelgeleriň waspy žiwopis eserlerinde
mail-icon
altynasyr.newspaper@sanly.tm
EN RU TK

Taryhy-medeni mirasyň we ýörelgeleriň waspy žiwopis eserlerinde

view-icon 2562
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Taryhy-medeni mirasyň we ýörelgeleriň waspy žiwopis eserlerinde
Türkmenistanyň Şekillendiriş muzeýinde “Türkmenistan – rowaçlygyň Watany” atly ýylyň şygaryna bagyşlanan žiwopis we amaly-haşam işleriniň sergisi açyldy. Serginiň guramaçylary ýurduň şu günki gazananlarynyň aňyrsynda onuň beýik taryhynyň we köpasyrlyk ýörelgeleriniň ýatandygyny nygtamagy niýet edinipdirler.

Sergini Türkmenistanyň halk nakgaşy Aman Kulyýewiň “Parfiýa natýumorty” suraty açýar. Ol çekiliş usuly babatda plakata golaý. Şeýle tilsim onuň ýordumynda Günorta – Türkmenistan arheologik toplumlaýyn ekspedisiýasynyň ýolbaşçysy, tanymal arheolog we Gündogary öwreniji taryhçy alym Mihail Massonyň keşbini hem-de Köne we Täze Nusaýyň gadymy şäherleriniň galyndylarynda geçirilen gazuw-agtaryş işlerinde tapylan gymmatly seýrek zatlary birleşdirmäge mümkinçilik berirpdir.

Saparmämmet Meredowyň “Geçmişe penjire” suraty bu temany dowam edýär, onuň gahrymany akademik Wiktor Iwanowiç Sarianidi Goňurdepeden tapylan gymmatly zatlaryň ýanynda şekjillendirilipdir. Dünýä belli alymyň parasatly, özüne çekiji garaýşy tomaşaçylara garap dur, onuň ylmy zehini bilen dünýä siwilizasiýasynyň taryhynda beýik açyşlar edildi.

Wladimir Artykowyň “Gözlegçiler” we “Arheologlar Garagumda” atly iki işi çeperçilik çözgüdi babatda gyzyklanma döredýär. Suratlaryň ýordumynda gum depeleri bilen görklenýän çöl keşbi şekillendirilipdir. Arheologlar asyrlarboýy gum gatlagynyň astynda ýatan gymmatly artefaktlar arkaly taryhyň sene ýazgysyna täze sahypa ýazmak üçin Garagumda düşläpdirler. Suratlaryň ikisi hem çäge reňkini berýän bir reňkde çekilen bolsa-da, gahrymanlarynyň arzuwçyllygy, ruhubelentligi, olaryň kärine söýgüsi surata oňyn duýgylary çaýýar.

Nikolaý Çerwýakowyň “Bagyr obasynyň çagalary” atly işi hem ýagşy duýgylar oýarýar. Häzirki çagalaryň suratyň çekilen döwründäkilerden - 1981-nji ýylyň çagalaryndan tapawutlanýandyklaryny bellemek gerek. Biziň ýaş döwürdeşlerimiz olardan tapawutlansa-da, olar göwnaçyklygy, mähirliligi we bilesigelijiligi babatda birmeňzeşdirler.

Çary Owaýewiň “Gulbaba” suratynda gysgajyk ömründe türkmen halkynyň medeniýetiniň taryhynda öçmejek yz galdyran doga zehin oglanjygyň durky bilen saza berlip dutar çalyp oturan pursady şekillendirilipdir. Her ýyl ýurdumyzyň ýaş zehinleriniň arasynda geçirilýän döredijilik bäsleşiginiň hem onuň adyny göterýändigi ýöne ýerden däldir.

Rüstem Abdyllaýewiň “Gelin” suraty ünsüňi köp wagt özüne çekýär. Onuň tomaşaçylara täsiri nämede? Surat söýgüdir mähirden doly garaýşy, zenan mylaýymlygy, owadanlygy... bilen özüne bendi edýär.

Türkmenistanyň halk nakgaşy Ýakup Annanurowyň “Natýurmort” suraty nepis gözelligi bilen haýran edýär. Gülli keçäniň üstünde içi gülli güldanlaryň ikisi şekillendirilipdir. Dok gyzyl, ýaşyl, sary, gara reňkleriň dürli öwüşgünleri žiwopisçiniň inçelik bilen beýan etmegi netijesinde olaryň nepis sazlaşygyny açyp görkezýär.

Öwez Mämmetnurowyň “Bahar alamatlary” manzaryndan jana şypa säher tämizliginiň ysy gelip dur, oňa garadygyňça manyly durmuşa we her güne begenip ýaşamaga höwes döreýär. Näzik gülgüne reňke bürenen miweli baglar, gülleriň we ter otuň ysy, päkize asman we akja bulutlaryň tornagyşlary – bularyň bary täzelenmegiň we ýagşy umytlaryň döwri – ýazyň gelendiginiň buşlukçysy.

Amaly-haşam sungaty işleriniň arasynda Kakamyrat we Altyn Baýlyýewleriň “Kompozisiýa" gobeleni bu ýere gelenlerde uly gyzyklanma döretdi. Reňkleriň ýerlikli sazlaşygy we ussatlarça dokalyşy netijesinde uly bolmadyk eser ýatda galyjy çykypdyr.

Kiçi görnüşli heýkelleriň arasynda Juma Jumadurdynyň “Tumary” ünsüňi özüne çekýär. Gadymy milli tumarda zenan şekili ýerleşdirilipdir, ol eseriň gurluşynyň özenine öwrülipdir. Şeýtmek bilen nakgaş zenanyň maşgaladaky ähmiýetiniň belentligini nygtamak isläpdir.

Türkmen nakgaşlarynyň eserleriniň sergisi taryhy-medeni mirasa we milli ýörelgelere aýawly çemeleşmegiň özgertmelere itergi beren gülläp ösýän Watanymyzyň beýik geçmişine hem-de şu gününe köpgyraňly döredijilikli garaýyşlary görkezdi.