Türkmenistanyň döwlet medeniýet merkeziniň Döwlet muzeýinde Çagalary goramagyň halkara gününe bagyşlanan sergi açyldy.
Çagalara bagyşlanan tematiki sergide žiwopis, grafika, kiçi görnüşli heýkeller, amaly-haşam sungaty, etnografiýa, fotosuratlar ýaly dürli žanrlardan işler goýlupdyr.
Sergä gelenler çagalar suraty bäsleşiginiň ýeňijileriniň döredijiligi bilen tanyşdylar. Olar türkmenistanlylaryň ýaş nesliniň wekilleriniň ýürek joşgunyny beýan edýär, çagalaryň açyklygyny we bagtyýar geljege ynamyny, kämillige höwesini we dünýä garaýyşlarynyň giňilgini görkezýär.
