22-nji martda Söwda-senagat edarasynyň Sergi merkezinde ýurduň telekeçilik bileleşiginiň önümleriniň we hyzmatlarynyň sergisiniň çäklerinde garaşylýan täsirli waka – türkmen dizaýnerleriniň «Ýaz-tomus 2021» modaly lybaslarynyň görkezilişi boldy.

Aşgabadyň Modalar öýüniň, şeýle hem «Mähirli zenan» we « Gül Zaman» Modalar öýleriniň kutýurýeleri täze lybaslar tapgyry bilen tanyşdyrdylar.

Tomaşaçylara, olaryň arasynda daşary ýurtly myhmanlar -- Aşgabatda ýerleşýän daşary ýurt diplomatik wekilhanalarynyň wekilleri hem bardy,-- dabalara geýilýän özboluşly köýnekler, gündelik we sport , şeýle hem çagalar eşikleri görkezildi. Lybaslar döredilende däpler röwşeniniň, özgertmeler depgininiň we türkmen baharynyň owadan reňkleriniň ylham çeşmesi bolandygy duýulýardy.

Lybaslaryň ählisi ýurdumyzda öndürilýän ekologiýa taýdan arassa matalardan tikilipdir. Dürli stildäki, reňkleriň we fakturalaryň, nusgawy we folk, kežual ýörelgeleriniň we nepis liniýalaryň batyrgaý sazlaşygy bu ýere gelenlerde uly gyzyklanma döretdi.

Biz Aşgabadyň Modalar öýüniň manekençiler toparynyň ýolbaşçysy Gennadiý Stulnikow bilen söhbetdeş bolduk. Ol biziň: «Türkmen dizaýnerleriniň döredijiligi zenanlary nähili özgerdändir öýdýärsiňiz?» - diýen sowalymyza: « Biziň modelýerlerimiziň eserleri gözellik we bagt röwüşleri bilen durmuşa bezeg berýär!» - diýip jogap berdi.

Görkezilişiň diňe bir milli ýörelgeler bilen dünýäniň modaly trendelrini sazlaşygyna esaslanýan türkmen lybaslar-senagatynyň ýörelgelerinii we ýeten derejesini görkezmän, eýsem reňkleriň we fakturalaryň, aksentli ornamental bezegiň, akyp duran ýüpek röwüşiniň we nepis panbarhat gülleriniň sazlaşygynyň gözelligini has-da nygtaýan ussat zergärleriň eserleriniň olary göreni özüne maýyl edendigini hem aýtmak isleýärin.

Liana BOLOTOWA

Surata düşüren: Ýuriý ŞKURIN