Türkmenistanda oktýabr aýynyň soňky hepdesi üçin deslapky howa çaklamalary ýagyş ýagjakdygyny duýdurýar. Hepdäniň ortalaryndan howa esli derejede sowar. Köpetdagyň daglyk ýerlerinde güýçli ýagyn ýagar, ol ýerlerde gar ýagmak ähtimallygy-da aradan aýrylmaýar.
Aşgabatda +18 ... + 20°C güneşli howa gündizine + 13 ... + 15°, gijelerine + 4 ... + 6° çenli aşaklap biler. Wagtal-wagtal ýagyş ýagmagy mümkin.
Hepdäniň dowamynda Ahal welaýatynda-da howa sowar, ol ýerde-de ýagyş ýagmagy çak edilýär. Ortaça temperatura gündizlerine +11 ... +16°C, gijelerine + 1 ... + 6 ° bolar.
Balkan welaýatynda üýtgäp durýan bulutly we ýagyşly howa bolar. Gündizine howa +19 ... +24°, gijesine +4 ... +9° çenli gyzar.
Mary welaýatynda-da ýagyn ýagyp, howanyň temperaturasy peseler. Welaýatyň käbir ýerlerinde simap sütüni gijesine -1.. +4°, gündizine + 12 ... 17° görkezer.
Lebap welaýatynda howa gije –2…+3° derejä çenli sowar, gündizine +11…+16° bolar, ýagyş ýagmagy ähtimal.
Ýagyn Daşoguz welaýatyna-da ýagar, ol ýerde howanyň temperaturasy gijesine –2…+3°, gündizine +8...+13° bolar.
Howa şertleriniň birden üýtgemegi sebäpli, Türkmenistanyň Oba hojalyk we daşky gurşawy goramak ministrliginiň gidrometeorologiýa gullugy saglygyňyza has dykgatly çemeleşmäge, aşa sowamakdan gaça durmaga we howa laýyk geýinmäge çagyrýar.
Taýýarlan: Swetlana Çirsowa