Türkmenistandan gelen mekdep okuwçylary Almaty şäherinde geçirilen ХХ Halkara Žautykow olimpiadasynda 1 kümüş we 7 bürünç medal gazandylar.

Oňa Türkmenistandan, Gazagystandan, Russiýadan, Belarusdan, Azerbaýjandan, Gruziýadan, Ermenistandan, Gyrgyzystandan, Täjigistandan, Bolgariýadan, Ukrainadan, Rumyniýadan, Serbiýadan, Hindistandan, Indoneziýadan we Mongoliýadan 700-den gowrak mekdep okuwçylary gatnaşdy.

Akyl-paýhas bäsleşik Gazagystanyň Bilim ministrliginiň we Almaty şäheriniň häkimliginiň garamagyndaky «Daryn» Respublikan ylmy we amaly merkeziniň howandarlygynda Respublikan fizika we matematika mekdebiniň esasynda geçirildi. Şol ýerde jemi 344 medal berildi. Iň gowy netijeleri görkezen gatnaşyjylara Nurlan Kapparow gaznasy tarapyndan ýörite baýraklar, diplomlar we gymmatly baýraklar berildi.

Matematika, fizika we kompýuter derslerinden halkara Žautykow olimpiadasynyň maksady mekdep okuwçylarynyň arasynda fizika, matematika we IT bilimlerini wagyz etmek, dürli ýurtlaryň fizika we matematika mekdepleri bilen halkara hyzmatdaşlygy ösdürmekdir.