Türkmenistanda iňlis dili mugallymlary üçin hünär endiklerini ýokarlandyrmak boýunça maslahatlar başlandy. Olary Türkmenistanyň Bilim ministrligi ABŞ-nyň Türkmenistandaky ilçihanasy bilen gurady.
Iňlis dili mugallymlary birnäçe günüň dowamynda şu ugurdan hünärmen Nensi Ekklziň ýolbaşçylygynda okuw meýilnamasyny düzmegiň we TESOL şahadatnamasyny almagyň inçe syrlaryny özleşdirerler.
TESOL iňlis dili mugallymlaryny ESL usullary boýunça taýýarlaýyş okuw maksatnamasydyr. Bu şahadatnama mugallymyň iňlis dilini biliş derejesiniň bu dil ene dili bolanlaryňky bilen deňeçerdiginiň tassyklamasydyr. Bu okuw iňlis dilini daşary ýurt dili hökmünde okatmagyň aragatnaşyk usullary bilen tanyşdyrýar.
