«Arkadag» toparynyň futbolçylary Türkmenistanyň Naýbaşy Kubogyny eýelediler. Döwlet ähmiýetli adybir «akylly» şähere wekilçilik edýän topar bu üstünligi aýgytlaýjy duşuşykda «Ahal» toparyny 3:1 hasabynda üstün çykyp mynasyp boldy.
Türkmenistanyň Futbol federasiýasy tarapyndan döredilen Naýbaşy Kubok ugrundaky ýaryş ýurdumyzyň çempiony bilen kubogyň eýesiniň arasynda 2005-nji ýyldan bäri geçirilýär. Geçen ýyl «Arkadag» topary Türkmenistanyň çempionatyny we Kubogyny utdy, «Ahal» topary bolsa ýurdumyzyň kubogynyň finalçysynyň hukuklarynda Naýbaşy Kubogy eýelemek ugrundaky duşuşyga gatnaşdy.
Ähmiýeti boýunça üçünji hasaplanylýan milli baýrak ugrundaky jemleýji duşuşyk Balkanabat şäherindäki «Sport toplumy» stadionynda geçirildi.
Derwezäniň toruna birinji pökginiň geçmegine köp garaşmaly bolmady. 14-nji minutda Şamämmet Hydyrow «Arkadag» toparyny öňe çykardy – 1:0. 22-nji minutda Şanazar Tirkişow çempionyň artykmaçlygyny artdyrdy – 2:0. Ýene-de 7 minut geçeninden soň, Ş.Hydyrow ikinji pökgüsini derwezä dürs gönükdärmäge başardy we toparlar 3:0 hasabynda «Arkadag» toparynyň peýdasyna arakesmä çykdylar.
Esasy wagtyň tamamlanmagyna 15 minut galanda «Ahal» toparynyň Yslam Annamyradowyň hereketleri netijesinde hasaby gysgaltdy. Ýöne, şondan uly üstünlik gazanylmady.
Türkmenistanyň milli ýygyndy toparynyň esasy düzümini emele getirýän «Arkadag» futbol topary 2023-nji ýylda döredildi we eýýäm ýaryşa gatnaşan ilkinji ýylynda goşa üstünlik gazandy – çempion boldy hem-de ýurdumyzyň Kubogyny eýeledi. Döredilen pursatyndan bäri bu toparyň milli çempionatyň resmi duşuşyklarynda bir utuk hem ýitirmändigini bellemek gerek we şu ýyl hem ikinji gezek Türkmenistanyň çempiony boldy. Ine indi bolsa ähmiýeti boýunça üçünji milli baýragy eýeledi.
«Arkadag» futbol toparyny Türkmenistanyň ýygyndysynyň ozalky meşhur hüjümçisi, Groznynyň «Tereka» toparynyň düzüminde 2003-2004-nji ýylda Russiýanyň Kubogynyň hem-de «Balkanyň» düzüminde AFK-2013-de Prezidentiň Kubogynyň eýesi 44 ýaşly Wladimir Baýramow bäş tälimçi hökmünde şu üstünlige getirdi.
Şu ýylyň güýzünde «Arkadag» toparlaryň arasynda geçirilýän Aziýanyň ähmiýeti boýunça ýaryşynda – AFK-nyň Çagyryş ligasynda ilkinji gezek üstünlikli çykyş edip, «B» toparçasynda birinji orny eýeledi. Bu toparçada çärýek finala çykmak ugrunda, şeýle hem Kuweýtiň «Al-Arabi», Maldiwden «Maziýa Sports» hem-de Gyrgyzystandan «Abdyş-Ata» toparlary güýç synanyşdylar. Çärýek finalda «Arkadag» futbol topary Hindistanyň «Ist Bengal» topary bilen duşuşar. Bu toparlaryň arasyndaky duşuşyklaryň 2025-nji ýylyň 5-nji hem-de 12-nji martynda geçirilmegine garaşylýar.
AFK-nyň Çagyryş ligasy Aziýanyň ösüp barýan ligalaryndan toparlary öňe itermäge hem-de olaryň zehinlerini görkezmäge gönükdirilendir.
