«Ahalyň» futbolçylary Türkmenistandan, Eýrandan , Katardan hem Birleşen Arap Emirliklerinden ybarat dört toparyň gatnaşmagynda Jidda şäherinde geçýän AFK-nyň çempionlar Ligasynyň toparlaýyn ýaryşynda ikinji oýnuny geçirdi.
«Türkmennebitönümleri» Baş uprawleniýesiniň topary ýaryşyň açylyş möwsüminde, Aziýadaky bu abraýly klublar ýaryşynda ilkinji gezek, AFK-2015 çempionlar Ligasynyň finalçysy, Dubaýyň bürünç baýragynyň eýesi «Şahab-Al-Ahli» bilen deňme-deň ̶ 1:1 oýnandygyny ýatladýarys.
Ikinji tapgyrda Türkmenistanyň wise-çempiony şazada Abdulla Al-Faýsalyň adyny göterýän stadionda, gözbaşyny 1979-njy ýyldan alyp, baý futbol tejribesi bolan güýçli garşydaş-katarly «Al-Garaf» topary bilen güýç synanyşdy. Şol döwürler topar «Al-Ittihad» diýlip atlandyrylýardy. 2004-nji ýyldan bäri «Al-Garaf» ady bilen Kataryň ýyldyzlar Ligasy —ýokary futbol diwizionynda çykyş edýär.
Öň bu topar ýedi gezek (1991/92, 1997/98, 2001/02, 2004/05, 2007/08, 2008/09, 2009/10) Kataryň çempiony boldy, şonça gezek Kataryň emiriniň Kubogy ugrundaky ýaryşda ýeňiji boldy (1994/95, 1995/96, 1996/97, 1997/98, 2001/02, 2009, 2012), mirasdüşer şazadanyň Kubogynyň (2000, 2010, 2011) we Kataryň Baş kubogynyň (2009, 2017/18, 2018/19) degişlilikde üç gezek ýeňijisi boldy.
2010-njy ýylda «Al-Garaf» Saud Arabystanynynyň «Al-Hilýal» kluby bilen geçiren iki duşuşygynyň jemlerinde utulyp, AFK-nyň çempionlar Ligasynyň dörtden bir finalyna çykdy.
«Al-Garafyň» güýji hakynda aýtmaly bolsa, onda oň düzüminde Brazilýadan, şeýle-de Alžirden, Eýrandan, Maliden we Kot-d’Iuaradan birnäçe hakyna tutma oýunçylar oýnaýarlar. Abraýly transfermarket saýtynyň habaryna görä, toparyň tutuş futbolçylarynyň umumy bahasy 15 million ýewrodan ybaratdyr.
2021-nji ýyldan bäri «Al-Garaf» toparynyň baş tälimçisi bolup, öň Italiýanyň «Inter» we «Udineze», Gresiýanyň «Panatinaikos», Çehiýanyň «Sparta», şeýle-de Aziýanyň we Ýewropanyň birnäçe komandalaryna tälim beren italiýaly tälimçi Andrea Stramaççoni işleýär.
Italiýaly tälimçi duşuşygyň öň ýanynda geçiren pres-konferensiýasynda: « Bizde «Ahal» topary hakynda maglumat kän däldi, ýöne araplaryň «Şabab Al-Ahli» topary bilen bolan duşuşykda, köplenç ýygyndy toparda oýnaýan oýunçylarynyň, oňat taýýarlygy bolan türkmen toparyny gördük» — diýip belledi.
«Biz «Şabab Al-Ahli» bilen çekeleşikli oýun geçirdik. Ýöne biz ony ýatdan çykarmaly we finala çykmak üçin her bir oýna taýýarlanmaly» — diýip, öz gezeginde öz toparynyň AFK-nyň çempionlar Ligasyna gatnaşmagy taryhy ýagdaý bolup, her bir oýunçy üçin bolsa munuň uly tejribedigini aýratyn bellän «Ahalyň» ezber ýarymgoragçysy Serdar Geldiýew nygtady.
Oýnuň başynda başarjaňlygy ele alan «Ahalyň» oýunçylary on birinji minutda hasaby açmak üçin dörän mümkinçiligi elden giderdiler. Ýöne Maýlis Diniýewiň uran pökgüsi derwezäniň bir az ýokarsyndan geçdi. Şeýle-de Röwşen Muhadowyň toparyndan Ata Geldiýew, Elman Tagaýew, Mürze Beknazarow tapawutlanmalydylar, ýöne pökgi tora girmedi.
60-njy minutda çep gyradan ýygyndynyň oýunçysy Mali Şeýk Dýabate tarap göni urlan top gönükdi, ol hem kellesi bilen urup hasaby açdy. «Al-Garaf» toparynyň üstünligini 87-nji minutda oýnuň ikinji tapgyrynyň ortalarynda çalşyga çykyp, sag aýagy bilen derwezäniň aşaky çep burçundan tora salan Ahmed Alaeldin berkitdi.
2:0 hasabynda ýeňiş gazanan «Al-Garaf» dört utuk bilen «С» toparynda ýeňiji boldy. Özaralarynda deňme-deň 1:1 oýnan «Fulad» (Eýran) bilen «Şabab Al-Ahli» iki utuk bilen oňdular. «Ahal» toparynyň bir utugy bar. Toparlaryň iki aýlawly oýunlarynyň gutarmagyna çenli ýene-de dört oýun oýnamak galýar, şeýlelikde ýaryşyň tablisasynda islendik pursatda ýagdaýlaryň üýtgemegi mümkin.
Geljekki tapgyrda «Ahal» «Fulad» bilen duşuşar, «Şabab Al-Ahil» bolsa «Al-Garaf» bilen bäsleşer.
Toparlaýyn ýaryş 27-nji aprelde tamamlanar.
8/1 finala topardan on ýeňiji çykar we Günbatar, şeýle-de Gündogar zolakdan ikinji ýeri eýelän toparlardan iň gowy üç topar çykar.
