Türkmenistanyň Tennis federasiýasy Aşgabadyň Sport we ýaşlar syýasaty baş müdirligi bilen bilelikde 9, 10, 11 we 13-nji sport mekdepleriniň ýardam bermeginde köpugurly «Aşgabat» stadionynda tennis boýunça Aşgabadyň açyk çempionatyna gurady.
Zenanlaryň 35-siniň gatnaşmagynda geçirilen ýaryşda ýekelikde Aýşa Bekbulatowa öňe saýlandy. Ol Rožan Garajaýewa bilen bilelikde oýnap, jübütleýin bäsleşikde tapawutlanmagy başardy.
Erkekleriň arasynda geçirilen ýaryşa 41 türgen gatnaşdy, olardan Allanur Daýanjow goşa üstünlik gazandy. Ilki ol ýekelikde, soňra Allanur Garaýew bilen bilelikde jübütleýin bäsleşikde ýeňiş gazandy.
Tennis boýunça Aşgabadyň açyk çempionatynda ýeňiş gazananlara we baýrakly orunlary eýelänlere ýaryşyň guramaçylaryndan we hemaýatkärlerinden medallar, Hormat hatlary we gymmatly sowgatlar gowşuryldy.
