Paýtagtymyzdaky ýaş olimpiýaçylary taýýarlaýyş mekdebinde karatedo boýunça Aşgabadyň çempionaty geçirildi, ony Türkmenistanyň karatedo Federasiýasy gurady.

Ýaryşa 8 ýaşdan 24-e çenli paýtagtymyzyň «Hemra», «Aýhan», «Asman», «Seýitli», «Togrulbeg», «Görogly» ýaly on dokuz klubdan 240-dan gowrak türgen gatnaşdy.

Ýaryş kata (söweş maşklary) we kumite (söweş sparringi) ugurlary boýunça geçirilip, Bütindünýä karate Federasiýasynyň (WKF) talaplaryna laýyklykda onlaýn platformada görkezildi.

Ýaryşyň dowamynda on altyn, on bir kümüş we sekiz bürünç medal eýelän «Hemra» kluby öňe saýlandy.

Ikinji orny bäş altyn, üç kümüş we sekiz bürünç medal eýelän «Seýitli» kluby eýeledi.

Baýrakly üçünji orna dört altyn, iki kümüş we bir bürünç medal eýelän «Asman» kluby mynasyp boldy.

27-nji maýda welaýat merkezi Änewiň sport mekdebinde karate-do boýunça Ahal wealýatynyň çempionaty geçiriler.