15-nji iýulda Zagrebde (Horwatiýa) başlanan Gran-pri tapgyrynyň dzýudo boýunça halkara ýaryşyna Türkmenistandan 14 türgen gatnaşýar.

Ýaryşyň guramaçylarynyň habar bermeklerine görä, bu bäsleşik 69 ýurtdan 503 (288 erkek, 215 zenan) dzýudoçyny bir ýerde jemledi. Olar medallar ugrunda 7 agram toparynda bäsleşerler.

Türkmenistanyň erkekler toparynyň düzüminde tatamada Aýbek Omirow, Hakberdi Jumaýew (ikisem, 60 kg çenli agram toparynda), Hekim Agamämmedow, Serdar Rahymow (ikisem, 66 kg çenli agram toparynda ) Isa Gaýradow, Ylham Kemalow (ikisem 73 kg çenli agram toparynda), Daýanç Omirow we Mämmedaly Açyldyýew (ikisem ,81 kg çenli agramlyk toparynda) güyç synanyşarlar.

Türkmenistanyň zenanlar toparynda medallar ugrunda Aksoltan Hojageldiýewa, Raýhon Şawkadowa (ikisem, 48 kg çenli agramlyk toparynda), Saýýara Rozyýewa (52 kg çenli agramlyk toparynda ), Leýla Umydowa, Gözel Nowruzowa (ikisem, 57 kg çenli agramlyk toparynda) we Zülhumar Daşkynowa (63 kg çenli agram toparynda besleşerler).

Ýaryşlar 17-nji iýunda tamamlanar.