Maýa Kulyýewa adyndaky Türkmen milli konserwatoriýasynyň uly zalynda simfonik konsert hem-de orkestr dirižýory hünäriniň 5-nji ýyl talyby Döwletmämmet Ökdirow üçin synag geçirildi.

Döwletmämmet – Türkmenistanyň Prezidentiniň yglan eden «Türkmeniň Altyn asyry» atly bäsleşiginiň ýeňijisi we Magtymguly adyndaky Türkmenistanyň ýaşlar baýragynyň eýesi.

Okuwynyň ikinji ýylynda ol «Nejep oglan» operasyna, üçünji ýylynda bolsa «Gül-Bilbil» operasyna dirižýorlyk etdi. Ol konsertlerde horuň bileliginde we hatda horuň solisti hökmünde hem duş gelýär.

Synagda Döwletmämmet Türkmenistanyň sungatda at gazanan işgäri Suhan Tüýliýewiň «Uzuklar» eserini ýerine ýetirdi. 

Fleýta, gaboýa, klarnet, skripka we simfoniki orkestri üçin rowaýata öwurlen, bäş bölümden ybarat bolan bu eser ilkinji gezek ýerine ýetirildi.

Şeýle hem konsert maksatnamasynda Türkmenistanyň halk artisti Daňatar Hydyrowyň simfoniýasy we kompozitor Ýan Sibeliusyň skripka we simfonik orkestri üçin konserti-de bardy.

Konsertiň solisti Bahram Dolyýew skripka çalmakda ussatlygyny ýene bir gezek görkezdi.

Konsert tomaşaçylar bilen  uly üstünlik gazandy we Döwletmämmet Ökdirow öz çykyşy üçin gowy bahalar gazanandygyna şübhe etmän bolar.