6-10-njy oktýabr aralygynda GDA-nyň ýurtlaryndan bolan sazandalar üçin on ýedinji ýaşlar Delfiýa oýunlary Gyrgyzystanyň paýtagty Bişkekde geçiriler.

Biziň ýurdumyzdan bäsdeşler bu oýunlara ilkinji gezek gatnaşýarlar, şonuň üçin bu gün olar watandaşlarymyzyň aýratyn ünsüni özlerine çekýärler.

Delfi oýunlaryna alty sazandamyz gatnaşar. Olardan Maýa Kulyýewa adyndaky Türkmen milli konserwatoriýasyndan Ýarjemal Ýagşymuradowa (fortepiano), Şaislam Komiljanow (fortepiano), Elina Gurbanowa (skripka), Seýran Atanyýazow (skripka), Maýa Kulyýewa adyndaky Türkmen milli konserwatoriýasynyň ýanyndaky ýörite sazçylyk mekdep-internatyndan Aýnur Otuzowa (fortepiano), Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebinden Arslan Şaripow (akkordion) gatnaşarlar.

Bäsleşige Stella Faramazowa konsertmeýster bolup gatnaşar.

Bäsleşik, käbir eserleriň ýerine ýetirilmegi bilen 2 tapgyrda geçiriler.

Baýraklar toparlaryhň gazanan ballarynyň sanyna baglylykda gowşurylar.

Sazandalarymyza döredijilik bäsleşiginde üstünlik arzuw edýäris.