Lebap welaýatynyň Seýitnazar Seýdi adyndaky döwlet sazly drama teatrynyň döredijilik topary Çingiz Aýtmatowyň doglan gününiň 95 ýyllygyna bagyşlanan «Aýtmatow we teatr» VI Halkara teatr festiwalyna gatnaşar. Festiwal 7–12-nji dekabr aralygynda Gyrgyzystanyň paýtagty Bişkek şäherinde geçiriler.
Halkara sahnasynda Lebap welaýat teatry tomaşaçylara «Ak gämi» spektaklyny hödürlär. Şeýle hem onda Azerbaýjanyň, Gazagystanyň, Gyrgyzystanyň, Russiýanyň we Özbegistanyň teatrlary Aýtmatowyň eserleri esasynda çykyş ederler.
«Aýtmatow we teatr» festiwalynyň emin agzalarynyň arasynda Türkmenistanyň halk artisti, ýurdumyzyň Beýik Saparmyrat Türkmenbaşy adyndaky baş akademiki drama teatrynyň artisti Gülälek Akmyradowa hem bar.
Aşgabatda dynç alyş günleriniň medeni çäreleri
Baýramçylygyň öňüsyrasyndaky günlerde ýurdumyzyň paýtagtynyň teatrlary ilkinji görkezilişleri hödürlärler. Mundan başga-da, Aşgabatda birnäçe medeni çäreler geçiriler.
9-njy dekabrda Türkmenistandaky Fransiýa instituty sizi Täze ýyl senetçilik ýarmarkasyna çagyrýar. Çäräniň myhmanlary sowgat, ýadygärlik sowgatlyklary we elde ýasalan özboluşly işleri satyn alyp bilerler. Ýarmarka sagat 11:00-dan sagat 17:00-a çenli dowam eder.
10-njy dekabrda sagat 18:00-da «Türkmenistan» kinokonsert merkezinde «Happy people» toparynyň konserti bolar. Agşamda meşhur daşary ýurt we rus aýdym-saz toparlarynyň aýdymlary täzeçe ýerine ýetiriler.
Beýik S.Türkmenbaşy adyndaky baş akademiki drama teatry:
08.12.2023: «Hoşlaşasym gelenok» 19:00;
09.12.2023: «Hindi rowaýaty» 19:00;
10.12.2023: «Gar harasady» ilkinji görkezilişi 19:00.
Magtymguly adyndaky milli sazly drama teatry:
09.12.2023: «Super gaýynene» 19:00;
10.12.2023: «Balzaminowyň öýlenişi» 19:00.
A.S.Puşkin adyndaky döwlet rus drama teatry:
09.12.2023: «Маша и медведь» 12:00;
09.12.2023: «Волки и овцы» spektaklynyň ilkinji görkezilişi 19:00;
10.12.2023: «Золушка» 11:00; 13:00.
10.12.2023: «Шикарный мужчина» 19:00.
Alp Arslan adyndaky milli drama teatry:
08.12.2023: «Ak gämi» 19:00;
09.12.2023: «Gyzyl alma» 19:00;
10.12.2023: «Hüwdi» 19:00.
Türkmen döwlet gurjak teatry:
08.12.2023: «Balykçy we balyjak» 15:00;
09.12.2023: «Arşyn mal alan» 15:00;
10.12.2023: «Külbikejik» 15:00 spektakllaryny tomaşaçylara hödürlärler.
