Ýakynda Kazanda tamamlanan halk saz gurallarynda ýerine ýetirijileriň «FOLK-ART» halkara bäsleşiginde Maýa Kulyýewa adyndaky Türkmen milli konserwatoriýasynyň halk saz gurallary fakultetiniň üçünji ýyl talyby Hijran Jorakulyýew akkordeon saz guralyny çalmakda 20-25 ýaşly sazandalaryň arasynda birinji orny eýeledi we diplom bilen sylaglandy.

Zehinli sazandanyň halypasy halk saz gurallary bölüminiň uly mugallymy Tatýana Wladimirowna Ýuzeýewa «Iň gowy mugallym» adyna mynasyp bolup, diplom we hormat haty bilen sylaglandy.

Bu halkara bäsleşigi taýýarlamaga we halk saz gurallarynda ýerine ýetirijileriň ussatlygyna baha bermäge Russiýa Federasiýasynyň dürli sebitlerinden medeni guramalaryň, şol sanda N.A.Žiganow adyndaky Kazan döwlet konserwatoriýasynyň-da wekilleri gatnaşdy. Hijran Jorakulyýew Kazan konserwatoriýasynyň 2021-nji ýylda ýola goýan «Saz jadysy» atly halkara bäsleşiginde-de birinji ýeri eýeläpdi we degişli diplom bilen sylaglanypdy.