Türkmenistanyň Magtymguly adyndaky milli sazly drama teatrynda Disneýiň multfilmlerinden düzülen saz agşamy şowly geçdi. Zala ýygnanan tomaşaçylaryň ýarsy çaga bolsa, beýleki ýarsy olaryň ene-atalarydy, şonuň üçinem ol çagalaryň we ulularyň isleglerine doly gabat gelýän konsert boldy.

Sahna Külbikejigiň galasynyň Disneý multfilmindäki suraty bezeg berýärdi, onda meşhur we toslanan gahrymanlaryň haýran galdyryjy başdan geçirmeleri hakda ajaýyp multfilm hekaýatlary döreýär. Döwlet simfoniki orkestriniň dirižýory Resul Gylyjow sahna çykýar we taýagyny işledenden ekrandaky suratlar herekete girip başlaýar. Gaýadan haýbatly çal şarlawuk inip başlady, indiki duralga garşy oýunjak otly ugrady. Diýmek, Disneýde durmuş başlandy.

Konsert üýtgeşik şekilde geçdi. Onda eserleri ýa-da ýerine ýetirijileri yglan edýän alyp baryjy ýokdy. «Mikki Maus», «Aladdin», «Doňýürek», «Owadan gözel we gorkunç haýwan», «Suwperi», «Arzyly isleg», «Şa ýolbars» we beýleki multfilmlerden bölekler ekrany bezedi.

Simfoniki orkestr Stiwen Jeýms Teýloryň, Kristofer Bekiň, Alan Menkeniň, Howard Eşmanyň, Hans Zimmeriň we beýleki kompozitorlaryň ekranda görkezilen hekaýatlary beýan edýän filmleriň sazlaryny ýerine ýetirdi.

Duýdansyz ýerden juda owadan lybasly aýdymçylar sahnada peýda boldular. Olar diňe bir öz aýdymyny ýerine ýetirmän, eýsem, multfilmiň bir bölegi kimin ekrandaky gahrymanlara kybap gelmäge synanyşýardylar. Diňe konsertiň ahyrynda Resul Gylyjow sahnada çykyş edenleriň atlaryny aýtdy. Olar köpden bäri diňleýjileriň söýgüsini gazanan Maýsa Nyýazowa, Döwran Şammyýew, Mansur Şaripow, Anna Weliahmedowa, Şasenem Guwerne, şeýle hem ilkinji gezek sahna çykan Süleýman Öwezow, Munisa Hudaýbergenowa, Şirin Guwerne we Näzli Pirgulyýewa. Ilkinji gezek çykyş eden solistler sahnanyň, tomaşaçylaryň we öz başdan geçirýän duýgularynyň täsirini duýdular.

Çagalaram, ulular-da sazandalary we solistleri uzak wagtlap el çarpyşmalar bilen mübäreklediler, olaryň Disneý multfilmleri bilen asla aýrylyşasy gelmeýärdi.