Türkmenistanyň Döwlet simfoniki orkestriniň sazandalaryndan, şeýle hem Maýa Kulyýewa adyndaky Türkmen milli konserwatoriýanyň talyplaryndan ybarat topar Gruziýanyň Sinandali diýilýän ýerinde geçiriljek altynjy gözden geçirilişe gatnaşmaga taýýarlyk görýär.

Bu ýyl festiwal 31-nji awgust – 9-njy sentýabr aralygynda geçer. Bu saz baýramynyň baý mazmunly 9 günlük maksatnamasynda göz öňünde tutulan köp sanly çäreleriň arasynda esasy ýerleriň birini, däp boýunça, ermenistanly, azerbaýjanly, gruziýaly, gazagystanly, türkiýeli, ukrainaly we türkmenistanly sazandalary birleşdirýän ýaşlar orkestriniň çykyşy eýeleýär.

Täze başlaýan hünärmenler dünýä belli dirižýorlar, mugallymlar we aýdymçylar bilen işleşmek mümkinçiligine eýe bolýarlar. Gözden geçirilişde çykyş edýän ýaş sazandalara, çagyrylyp getirilen artistleriň geçirýän maslahatlaryna we ussatlyk derslerine gatnaşmak mümkinçiligi-de berilýär.

Orkestr maksatnamalary bilen bir hatarda Sinandali festiwalynyň altynjy çykyşy diňe solo konsertlerini we dünýä meşhur sazandalar bilen kamera sazlarynyň konsertlerini berer.