I. 2021-nji ýylyň 18-nji dekabryndaky «Aw awlamak we aw baýlyklaryny goramak hakynda» Türkmenistanyň Kanunynyň (Türkmenistanyň Milli Geňeşiniň Maglumatlary, 2021 ý., № 4, 145-nji madda; Türkmenistanyň Mejlisiniň Maglumatlary, 2023 ý., № 4, 92-nji madda) 44-nji maddasyna şu üýtgetmeleri girizmeli:

adynda we birinji bölekde «ätiýaçlandyrylmasy» we «ätiýaçlandyrylma» diýen sözleri degişlilikde «döwlet şahsy ätiýaçlandyryşy» we «döwlet şahsy ätiýaçlandyryşa» diýen sözlere çalşyrmaly;

ikinji bölegi şu görnüşde beýan etmeli:

«2. Aw awlamak we aw baýlyklaryny goramak babatda döwlet gözegçileriniň hökmany döwlet şahsy ätiýaçlandyryşyny geçirmegiň düzgünleri Türkmenistanyň Ministrler Kabineti tarapyndan tassyklanylýar.».

II. Şu Kanun resmi taýdan çap edilen gününden herekete girizilýär.

Türkmenistanyň Prezidenti
Serdar Berdimuhamedow.

Aşgabat şäheri, 2025-nji ýylyň 22-nji noýabry.