Ýaşlary sagdyn durmuş ýörelgelerine we sport bilen meşgullanmaga çekip, Türkmenistanyň Milli Ýaý atyjylyk federasiýasy ýurdumyzyň metbugatyň wekilleri üçin ýoldaşlyk duşuşygyny gurady. Habarçylar, suratçylar we meşhur bloglaryň awtorlary peýkam atmakda iň mergen atyjy derejesine eýe bolmak ugrunda bäsleşerler.
16-njy noýabrda geçiriljek ýaryş ýaşlaryň arasynda ýaýdan nyşana ok atmagy wagyz edip, ösüp gelýän nesilleri sportuň iň gadymy görnüşleriniň biri bilen meşgullanmaga höwes döretmäge gönükdirilendir. Mälim bolşy ýaly, türkmen peýkam atyjylarynyň ussatlygynyň halkymyzyň medeni däplerine atarýan gadymy hem-de baý taryhy bar.
Türkmenistanyň Milli Ýaý atyjylyk federasiýasy dürli ýaryşlara yzygiderli gatnaşyp, ýaryşlarda peýkam atyjylar täsirli netijeleri görkezýärler. Mundan başga-da, peýkam atyjy türgenler hakda «Mergenlik mekdebi» atly gysga göwrümli film surata düşürildi. Ol meşgullanmaga täze başlaýan türgeniň ykbalynyň üsti bilen ýaýdan ok atmagyň türkmen mekdebiniň ösüşi barada gürrüň berýär.
Peýkam atyjy ajaýyp ussatlaryň görkezen göreldelerinden ruhlanan ýaş türgenler sportuň bu görnüşine hem güýmenje, hem öz-özüňi kämilleşdirmäge, beden we ahlak taýdan durnuklylygy ösdürmäge tarap ýol hökmünde garaýarlar. Geçiriljek ýaryş metbugat wekilleri üçin sportuň diňe bir ýaryşy bolman, eýsem, uly dostlukdygyny hem-de agzybirlik ruhydygyny görkezmäge ajaýyp mümkinçilik bolar.
