Türkmenistanda 8-14-nji dekabr aralygynda howanyň temperaturasynyň peselmegine garaşylýar. Ýurdumyzyň käbir welaýatlarynda ýagşyň ýagmagyna garaşylýar, demirgazyk sebitde bolsa gar gatyşykly ýagyş ýagar diýlip çaklanylýar. Daşoguz welaýatynda gijelerine howa –6 gradusa çenli sowar.
Halkara Bitaraplyk güni mynasybetli Aşgabatda, Arkadag şäherinde we ýurdumyzyň welaýatlarynda Türkmenistanyň hemişelik Bitaraplygynyň 30 ýyllygyna hem-de Halkara parahatçylyk we ynanyşmak ýylyna bagyşlanan nyşanly harytlaryň we sowgatlaryň baýramçylyk söwdasy başlandy.
Şu gün Türkmenistanyň Daşary işler ministrliginiň Halkara gatnaşyklary institutynda hormatly Prezidentimiz Serdar Berdimuhamedowyň ýiti zehininden dörän “Türkmenistanyň Bitaraplygy — parahatçylygyň we ynanyşmagyň aýdyň ýoly” atly täze kitabynyň tanyşdyrylyş dabarasy boldy.
Şu gün paýtagtymyzyň häkimliginde Aşgabat şäheriniň ÝUNESKO-nyň öwreniji şäherleriniň bütindünýä toruna girizilendigi baradaky güwänamany gowşurmak dabarasy geçirildi.
Ýakynda geçirilen Ministrler Kabinetiniň giňişleýin mejlisinde, daşary ýurtlardaky diplomatik wekilhanalarynyň we konsullyk edaralarynyň ýolbaşçylarynyň gatnaşmagynda Türkmenistanyň Prezidenti Serdar Berdimuhamedow ýurdumyzyň daşary syýasatynyň iň möhüm ugury bolan parahatçylyk söýüjilik diplomatiýasyny mundan beýläk-de ösdürmäge gönükdirilen ugurlaryny kesgitledi.
