2 – 7 dekabr aralygynda paýtagtymyzda ýerleşýän "Ynamly Kepil" koworking merkezinde frilanser bolup uzakdan işlemek başarnyklary boýunça gatnaşyjylar üçin okuw maslahaty geçirildi. Bu çäre USAID-iň Häzirki zaman hünärleri ösdürmek taslamasy (YDA) tarapyndan gurnaldy.
2024-nji ýylyň 16-njy dekabrynda Türkmenistanyň Daşary işler ministriniň orunbasary Mähri Bäşimowa Halkara Bitaraplyk güni mynasybetli geçiriljek çärelere gatnaşmak maksady bilen Aşgabat şäherine gelen «FIT International» maslahat beriş kompaniýasynyň başlygy Kurt Edwards bilen duşuşdy.
2024-nji ýylyň 16-njy dekabrynda Türkmenistanyň Daşary işler ministri, Ykdysady hyzmatdaşlyk boýunça türkmen-ýapon komitetiniň başlygy Raşid Meredow bilen «Itochu Corporation» kompaniýasynyň Direktorlar geňeşiniň agzasy, ýerine ýetiriji wise-prezidenti, «Maşynlar we enjamlar» kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýyň ýolbaşçylygyndaky wekiliýetiň arasynda duşuşyk geçirildi.
Daşary ýurt dillerini çuňlaşdyrylyp okatmaga ýöriteleşen we mekdebe çenli çagalar bölümi bolan paýtagtymyzdaky 21-nji ýöriteleşdirilen terbiýeçilik-okuw mekdebinde Türkmenistanyň aýdym-saz sungatynda Magtymguly Pyragynyň şygryýetine bagyşlanan çäre geçirildi.
Türkmen döwlet gurjak teatrynda Türkmenistanyň we Eýranyň çagalarynyň dostluk hepdeligi başlandy. Çäräniň dabaraly açylyşyna Eýran Yslam Respublikasynyň Türkmenistandaky Adatdan daşary we Doly ygtyýarly ilçisi Ali Mojtaba Ruzbehani gatnaşdy.
