2024-nji ýylyň 22-nji noýabrynda London şäherinde Türkmenistanyň Beýik Britaniýadaky Ilçihanasynyň binasynda Gündogaryň akyldary we şahyry Magtymguly Pyragynyň doglan gününiň 300 ýyllygy we 2024-nji ýylyň «Pähim-paýhas ummany Magtymguly Pyragy» ýyly diýlip atlandyrylmagy mynasybetli döredijilik agşamy geçirildi.
2024-nji ýylyň 24-nji noýabrynda Pekiniň Daşary ýurt dilleri uniwersitetinde « Pähim-paýhas ummany Magtymguly Pyragy we Hytaý bilen Merkezi Aziýanyň arasyndaky ynsanperwer gatnaşyklar» atly ylmy maslahat, şeýle hem Magtymguly Pyragynyň 100 sany saýlanan goşgularynyň hytaý dilindäki täze neşiriň tanyşdyrylyş dabarasy geçirildi.
Senenama laýyklykda gyşyň başlanmagy bilen ýurdumyzda aram salkyn howa bolar. Howanyň ortaça temperaturasy gündizlerine +14 gradus bolar.
Türkmenistanda Ýewropa Bileleşiginiň Medeniýet hepdeliginiň çäginde Türkmenistanyň Magtymguly adyndaky milli sazly drama teatrynda Italiýadan jaz üçlüginiň we Maýa Kulyýewa adyndaky Türkmen milli konserwatoriýasynyň talyplarynyň konserti geçirildi.
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 22-si hasaba alyndy.
